Archive for  
 


        Forum Index -> Sciency Pless
dosser

Neil will ken....

Ah wiz thinki o' takin' Monday aff tae go fishin'. Unfortunately ra only legal fishin at ra moment is fer friggin rainbow troot. (Ah prefer broonies).

But Ah'm desperate fur a day's fishin'. So Ah goes tae check oot ra local Rainbow fishery only tae find it wiz closed due tae ice. It'll proably be froze on Monday as weel, so Ah'll proably jist go tae mah w**k.

Later the day, Ah wiz in ra back gerdin o' ra pub haen a wee dram and watter. (Ah didnae ask fer ra watter, but ra stuff wiz pishin' doon.)

Thur a wee burn at the back and Ah tend tae dander doon tae talk tae ra fishes there (cause naebdy else in ra pub can staun ra sight o' me.)

Anyways, while ra fishery (still watter) wiz froze over, ra wee stream (movin watter) ahent ra pub wiznae.

Why diz flowing watter find it harder tae freeze ower than still watter?
Neil

The flowin watter causes fricshun faan it rubs against the banks an bottom o the burn. Fricshun generates heat an waarms the watter so it disna freeze.

An there's a hell o a lot o watter backin up ahin the watter ye see so it pushes the ither watter oot o the wye an cairries aa the ice awaa wi it. So there.
Neil

By the lack o response Ah'm beginnin tae worry that ye actually believed thon pile o keech aboot fricshun, ken.

Here's the real story... faan watter's flowin aa the wee watter molecules keep bumpin intae enn anither an they dinna like it. They get affa angry, beelin even, an they get aa het under their wee molecule collars. It's a kind o molecular road rage, ken. Onywye, aa thon aggravashun heats up the watter an stops it fae freezin.

Still watter jist gaes tae sleep an the frost sneaks up on it faan it's nae pyin attenshun.

Huv ye ever seen steam comin aff still watter on a cauld day? Thon's aa the wee watter molecules lettin aff steam an calmin doon aifter they've been bumpin intae een anither aa day.

An that's the truth.
Fey Hag

Fush, a burn, whatur, we a no too wee dram (weoot whatur mind) it doesnae git better in this wurld ur ra next.
Yir in yir ain wee heaven soyeaur.  
Moove ore; ah'll be thir soon.

Dinna want tae ken whit Neil's on aboot, sum things jist ur, so dinna fash.
notanimby

"This is a very interesting question.  The answer has to do with one of
the complexities in way that water freezes (or melts):  This concept is
called the latent heat of fusion. This is the amount of energy that must
be removed from liquid water to allow it to freeze. "

Its tae dae wae ra sprecific latent heat capacity of wattur(higher phyics stuff) and te amount of energy involved, if ra wattur is movin then teh kinetic energy bein generated is high, causin teh temprature ovra wattur not tae drap
dosser

Ah didnae believe Neil's furst answer.
Ah didnae unnerstaun Neil's second answer.
Ah also didnae unnerstaun Notanimbies only answer.

But, on the whole, Ah prefer Neil's furst answer, even if it wiz a' lees.

See, whit Ah wiz thinkin' wiz this. If ye pump air through a beaker o' watter, ra temperature o' ra watter draps an' ye eventyully get ice formin' oan ra ootside o' ra beaker. Ra surface o' movin' water (Ah wuild o' thocht) sort o' hud air pumpin' ower it - even if it wiz ra watter rather than the air whit wiz gettin' pumped, if ye ken whit Ah mean.

So movin' watter shuild get caulder than still watter, 'cordin' tae my thinkin'.
notanimby

dosser wrote:
Ah didnae believe Neil's furst answer.
Ah didnae unnerstaun Neil's second answer.
Ah also didnae unnerstaun Notanimbies only answer.

But, on the whole, Ah prefer Neil's furst answer, even if it wiz a' lees.

See, whit Ah wiz thinkin' wiz this. If ye pump air through a beaker o' watter, ra temperature o' ra watter draps an' ye eventyully get ice formin' oan ra ootside o' ra beaker. Ra surface o' movin' water (Ah wuild o' thocht) sort o' hud air pumpin' ower it - even if it wiz ra watter rather than the air whit wiz gettin' pumped, if ye ken whit Ah mean.

So movin' watter shuild get caulder than still watter, 'cordin' tae my thinkin'.


yer fatal flaw in yer thinkin is that yoo think that movin wattur izra same as still wattur wae air movin above ra surface.
Movin wattur is generatin energy(kinetic) ur if it sdrappin in height it is convertin potenshul energy intae kinetic energy tae.
An output ov this energy craetion is sound and heat energy

Am shoor wance ah thunk merr aboot it Boyles Law huzza place in ther as well
dosser

Aha! Ah unnerstood thon........... Honest and nae kiddin'. Ah unnerstood it....


Ah'm still no' clear whit Boyle's Law hus tae dae wi' it.....
Ur we talking susan or Franky here?
AG

While ye're mullin ower aw that.

Ah wis wance telt by sumdy thit kent whit they wur talkin aboot thit if ye pit hoat wattur intae wan ice cube tray and cauld wattur intae anithur ice cube tray and then pit baith thum intae the freezur at the same time... the wan thit hud hoat wattur wid possibly freeze first.

Counter intuitive but it's potentially true.

Google: Mpemba effect.
dosser

Richt......... Ah huv a freezer. Ah huv access tae baith hot and cauld watter. Ah even huv a empty ice tray.

Noo, jist tell me hoo Ah akshly survive crawlin' inta the freezer wi' them a' - plus a flashlicht an' a thermomomometer  in order tae test thon daft theory.
Neil

Leave the door open an the licht will bide on. Cover the openin wi a sheet o perspex an ye kin waatch the watter freeze fae the comfort o a kitchen cheir. Or an airmcheir if ye waant tae drag een ower tae yer freezer.



It's got fukaw tae dae wi latex heat, it's molecule rage Ah tell ye.
dosser

Ye learn sum'hin new every day readin' this forum.

The day, Ah leatnt that thur nae licht in mah freexer........... Honest, Ah nevvur noticed afore.

But why wuid it make a bit o' warm watter and a bit o' cauld watter sae angry if they wiz pit in ra freezer thegither? Is it sum sort o' racial or sexual sort o' thing?
Heidy

Ah hiv bin readin wi merr than a bit o disbileef ra views o the bunch o flat erth twats theories oan ra wattuur freezin hingie an Ah hiv tae say...did nane o youse paps go tae schuile attaw an dae fizzix?
Its a weel kent fact that if ye pass a lekitrikil currint thru wattuur it wul nevuur freeze due tae ra charge o lektrons bein replaced as they drain away tae erth an therfur ra wattur wulny freez...see thons how wattuur pipes in a hoose freez up cos they ur groundit  ( a leki term err brw) an aw ther sperr lekitrons bleed awa inty ra grun,,,but if ye dinny erth ra pipes an wattuur systim in a hoose ther is a big possibilitie that  ye wull get lekitrocyootit espishullie if Alba is dae in yer wee homer oan ra side annat..... onywey that settils ra how dis wattuur get hard annat when it gets cauld debate...if ony o yese doubt me an mind Ah me masel UM or WIS  Leki an Ah shuild know,then ask ra loabstuur whit Dossuur cerooly fired inty ra iceboax an kilt deid annat...it wull confirm whit Ah hiv jist enlitint yese oan.. Idea
Neil

Ah bide in a saft watter area. Fit dae ye hae tae say aboot that?
swift

Neil wull ken:

The title of this thread isnae true:
Water in a river....flowing....temperature drops....water becomes much colder....as water becomes colder it expands....water becomes fat...fat water is sluggish and fair game for the freeze fairie.
swift
Neil

The title may or may not be true, but at least Ah ken cauld watter contracts (especially yer dangly bits)! Until it freezes, then it expands because o the wye the molecules line themsels up intae a crystal structure, which is fit wye ice floats. Razz
Heidy

Weel its fuggin obvious tae a blin man an his dug....saft wattuur is ny froze ehno thats how its saft,cauld wattur is hard cos its fruz,,,stauns tae reesin annat speshullie if a daud o hard wattur ie froze stoats aff yer nappuur when some wee toe rag thraws it at ye....
Ah mean its affy simpls or um Ah me masel missin sumhin here?
notanimby

Heidy wrote:
Weel its fuggin obvious tae a blin man an his dug....saft wattuur is ny froze ehno thats how its saft,cauld wattur is hard cos its fruz,,,stauns tae reesin annat speshullie if a daud o hard wattur ie froze stoats aff yer nappuur when some wee toe rag thraws it at ye....
Ah mean its affy simpls or um Ah me masel missin sumhin here?



Aye yer awfy simple and yoo ur missin sumthin - an IQ

        Forum Index -> Sciency Pless
Page 1 of 1
Create your own free forum | Buy a domain to use with your forum